Plantun de Prouvènço

Pèr coumpara dos planto d'encò nostre

Coris monspeliensis & Euphorbia palustris

Tè-de-colo

Coris monspeliensis

Primulaceae

Àutri noum : Tè-rouge-di-colo, Tè-dei-colo.

Nom en français : Coris de Montpellier.

Descripcioun :
Lou tè-de-colo es uno pichoto planto lignouso que trachis dins la garrigo e peréu en ribo de mar. Fai d'inflourejado di flour roso. Li ramo rebalon souvènt au sòu, pièi se dreisson. Li fueio soun primo de 3 à 12 mm de loungour.

Usanço :
Coume soun noum lou dis, es uno planto que pòu servi de tè, valènt-à-dire qu'a pulèu bon goust en tisano, mai qu'èi pas gaire vertuouso. Pòu pamens servi pèr gari li plago e li macaduro (vulneràri).

Port : Pichoto planto lignouso
Taio : 3 à 30 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Coris
Famiho : Primulaceae

Coulour de la flour : Vióuleto
Petalo : irreguliero
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à Juliet

Liò : Garrigo - Mar - Tepiero roucaiouso - Colo
Estànci : Mesoumediterran à Subremediterran
Couroulougi : Estenoumediterrano
Ref. sc. : Coris monspeliensis L., 1753

Lachusclo(-de-palun)

Euphorbia palustris

Euphorbiaceae

Nom en français : Euphorbe des marais.

Descripcioun :
Grando laschusclo que pòu faire mai d'un mètre d'aut. Ei sènso péu, se recounèis majamen à si fueio e si ramo sènso flour (fotò). Si boursèu soun berrugous. Vèn dins li palun e proche de ribiero. Coumpara emé la lachusclo-d'Ilirìo que trachis dins li mémi relarg e ié sèmblo proun.

Usanço :
Coume tóuti lis meno d'Euphorbia, aquesto éufòrbi es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo.